十幾年前已經興gei Hifu, 嚟到2025年後半年喇, 都仲係不停喺各大media 平台見到Hifu廣告，宜家啲大學生, 可以無錢租屋無錢交網費, 但絶不能無錢扮靚, 而hifu無疑成為Gen Z扮靚熱門item之一，事實上，依家喺香港， Hifu試做、Hifu價錢、Hifu效果，已經係細至Gen Z, 大至 “阿姨我不想努力”gei阿姨ssss茶餘飯後嘅熱話。唔講媒體廣告，連隔離茶水間阿姐都話自己係“Hifu面皮緊緻計劃”嘅活生生例子！
如果咁你都未知Hifu係乜嘢？我原諒, 原地同你上下Hifu雞精班~~~
Hifu雞精班 (醫美老司機可直接跳過)
好簡單，Hifu係一種用超聲波幫你拉提面部嘅醫美儀器。你可以想像成超聲波版嘅“超級英雄之錘”，唔喺面上打真拳，但用高能量打散你下垂嘅膠原蛋白，嗌醒佢哋生返多啲BB出嚟，一齊做運動組队撐返起成個輪廓。最正就係唔使開刀，唔使諗住痛到喊，又可以即日化返妝, 照常生活返工娛樂~~~無恢復期可言。
依家香港美容院好似開超市咁多hifu療程，hifu hk、hifu香港呢啲廣告字眼總會一個喺你social media post附近！ hifu價錢就好似搭小巴，有咁多條線路：係跑最平線還是高質uber？幾千蚊至過萬港紙都有人做，理論上愈貴唔代表愈有效，但免費就曾經出過唔少事, 至於出咩事, 可以之後搵日同大家詳細討論討論。
網上雖然有大量Hifu試做分享，但要搵得啱自己做gei Hifu都唔係話咁簡單，做Hifu嗰陣嘅感覺唔係按摩咁舒服，倒不如講係「小型忍者忍痛訓練營」——有啲朋友話係暖暖地吉吉地，有啲話係神奇版嘅小電針。總之唔係睡覺咁懶散，但又絕對唔會係「痛到喊」。一眾怕痛人士大可放心。
試做Hifu後發現膚質好咗?
因為要寫呢篇blog,我都刨過十幾篇hifu試做文, 發現大部份hifu用家都係話做完hifu之後，覺得塊面喺2-3月內feel到緊緻，而摸到膚質好咗, 毛孔細咗。唔使問都知, 骨膠原多咗, 膚質會跟住好。而比起飲嗰啲膠原蛋白補充劑, Hifu對boost up膠原再生gei爆發力相對嚟講係比較猛烈，雖然膠原蛋白補充劑喺市面上一支~HKD25-60不等, 而Hifu試做價錢大約係幾百蚊到千幾蚊一次, 但一個係飲落去唔知作用有幾多, 被吸收有幾多, 而一個就打去筋膜層,直接對膠原層產生作用，所以呢, 小數怕長計, 膠原蛋白補充劑可以話係當替代咖啡去飲, 始終有益處, 而Hifu就真係治本啲, CP值點都高啲喇!
Hifu最大功效係提拉輪廓, 減雙下巴?
Google搵Hifu相關資料, 自動出咗suggestion search「HIFU係咪可以打走我嘅雙下巴？」唔講唔知Hifu除咗緊膚同令膚質好咗, 最大功效原來係減雙下巴，不過，大家唔好誤會, 呢度講gei雙下巴, 其實泛指鬆弛型雙下巴, 即同平時肥胖而造成gei雙下巴有啲分別。肥胖而造成gei雙下巴要針對性溶脂, Hifu係有溶脂功效,不過就唔係針對性, 肥胖型雙下巴要用針對性溶脂針，當然, 比較長久做法係做運動減脂, 然後再做Hifu提拉返鬆弛位置。而鬆弛型雙下巴就係指因為膠原流失而肌底承托力慢慢減弱，造成脂肪層日漸鬆弛，所以形成雙下巴, 亦都解析咗雙下巴並不是肥人專利, 好多女士身型好Fit好纖瘦gei仍然會有呢類型鬆弛雙下巴。
ifu做幾次先有效?
Hifu對付鬆弛型雙下巴係專家，但都唔係1次就搞掂得掂陳年鬆弛型雙下巴，醫美中心一般都建議如果你年齡介乎25-30, 骨膠原流失速度較慢, 增長骨膠原速度又較快, 連續做Hifu 4次左右, 提拉緊膚效果已經可以keep到 12個月咁耐，而年紀再稍大少少, 就需要勤力啲再做多幾做Hifu先可以達到理想緊膚瘦面效果喇！情況就好似啲心水牛仔褲咁，都要洗幾次先可以keep到靚靚。想做hifu嘅朋友唔好心急，係一個慢慢變靚變後生之旅。
喺香港Hifu試做優惠價錢越來越平?
係gei! 香港做hifu試做優惠多到令你狂亂，有時搞到好似去買二手市場咁，應有盡有，有啲啲醫美中心會推出「買一送一」，又有啲推出免費Hifu試做優惠，不過提提大家，羊毛出自羊身上, 免費gei野永遠都係最貴，如果要試免費Hifu, 真係要睇清楚用家分享, 了解下要做嘅療程係咪真係Hifu機, 同埋有冇隱藏收費。那邊廂, 都係建議正正經經搵間上市公司, 俾幾百蚊試做下, feel下個感覺, 試下個效果, 先決定買唔買好過喇, 千祈唔好貪免費,做水魚呀~
Hifu試做優惠傳送門: Click here
做Hifu前後有無禁忌?
做Hifu前後基本上無乜禁忌。做hifu前，有啲美容師會教你保持皮膚清潔，唔好化妝去做, 避免刺激產品，做完Hifu要注意補濕,飲多啲水, 盡量避免曝曬。
順帶一提, Hifu唔係淨係針對塊面架， hifu因為有溶脂功效, 所以都可以針對肚腩、大腿減脂, 塑緊鬆弛，雖然HIFU唔係減肥神器，但刺激肌膚緊緻同脂肪代謝一流，配合運動同飲食，效果成個升級版。
記得喺做hifu之前，多聽聽網上評價，慢慢揾幾間hifu hk做比較，好似選擇唔同口味嘅珍珠奶茶咁，試出最啱你嗰杯。最緊要係唔好只貪平，安全同效果先至係王道啊!
留言列表
